ސްރީލަންކާ ސަރުކާރުން ދިވެހިރާއްޖެއަށް ކަނޑައެޅުއްވި އައު ސަފީރު، ހިޒް އެކްސަލަންސީ މުޙައްމަދު ރިޒްވީ ޙަސަން، މިނިސްޓަރ އޮފް އިކޮނޮމިކް ޑިވެލޮޕްމަންޓް އެންޑް ޓްރޭޑް، މުޙައްމަދު ސަޢީދުގެ އަރިހަށް އިޙްތިރާމްގެ ޒިޔާރަތެއް ކުރައްވައިފިއެވެ.
މި ބައްދަލުވުން ބާއްވަވާފައިވަނީ ބުދަ ދުވަހު އިޤުތިޞާދީ ތަރައްޤީއާއި ވިޔަފާރިއާ ބެހޭ ވުޒާރާގައެވެ.
މި ބައްދަލުވުމުގައި ދެޤައުމުގެ ދެމެދުގައި ގާއިމުވެފައިވާ ދުވަސްވީ ރަޙުމަތްތެރިކަން އަލުން ކަށަވަރުކުރެވުނެވެ. އަދި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ލީޑަރޝިޕްގެ ދަށުން، އިޤްތިޞާދީ ގުޅުންތައް އިތުރަށް ހަރުދަނާކުރުމާއި، ވިޔަފާރިއާއި އިންވެސްޓްމަންޓްގެ އެއްބާރުލުން ފުޅާކުރުމާއި، ދެފަރާތުގެ އެއްބާރުލުން އިތުރުކުރުމަށް ހުރި މަގުތަކާ ބެހޭގޮތުން މަޝްވަރާކުރެވުނެވެ.