ފެބްރުއަރީ 25 އިން 26 އަށް ރާއްޖެއަށް ޒިޔާރަތްކުރައްވަމުން ގެންދަވާ، އިންޑިއާގެ ޓްރޭޑް ޕްރޮމޯޝަން އޯގަނައިޒޭޝަނެއް ކަމުގައިވާ، ފެޑެރޭޝަން އޮފް އިންޑިއަން އެކްސްޕޯޓް އޯގަނައިޒޭޝަން އާއި، ދިވެހިރާއްޖޭގައި ހުންނަ އިންޑިއާ ހައިކޮމިޝަން ގުޅިގެން، އިންޑިއާގެ ފުޑް އެންޑް އެގްރިކަލްޗަރ ދާއިރާގެ ވަފްދާއެކު ބޭއްވުނު ބިޒްނަސް ނެޓްވޯރކިންގ ސެޝަން، މިނިސްޓަރ ސަޢީދު ޝަރަފުވެރި ކޮށްދެއްވައިފި.
މިއަދު ބޭއްވުނު ބިޒްނަސް ޓު ބިޒްނަސް ނެޓްވާރކިންގ ސެޝަނަކީ، ރާއްޖޭގައި ހުންނަ އިންޑިއާ ހައިކޮމިޝަނާއި މިނިސްޓްރީ ގުޅިގެން ބެއްވި ސެޝަން އެކެވެ.
މި ހަފްލާގައި، މިނިސްޓަރު ސަޢީދު ދެއްކެވި ވާހަކަފުޅުގައި، އިންޑިޔާ އާއި ދިވެހިރާއްޖެ އާ ދެމެދު ވިޔަފާރިއާއި އިންވެސްޓްމަންޓްގެ ދާއިރާއިން އިތުރު ކުރިއެރުންތައް ހޯދުމުގެ ފުރުޞަތު އޮތްކަން ފާހަގަ ކުރައްވައި، އިންޑިޔާގެ ވަފުދަށް ހޫނު މަރުޙަބާއެއް ދެންނެވިއެވެ. އަދި ދެ ޤައުމުގެ ދެމެދުގައި އޮތް ޒަމާންވީ އެކުވެރިކަމުގެ ގުޅުމުގެ މައްޗަށް އަލިއަޅުއްވާ ލައްވައި ވާހަކަފުޅު ދެއްކެވިއެވެ.