ޗައިނާ-ދިވެހިރާއްޖެ ފްރީ ޓްރޭޑް އެގްރީމެންޓަކީ ދިވެހިރާއްޖެއިން ބޭރުގެ ޤައުމަކާއެކު ވެފައިވާ ފުރަތަމަ މިނިވަން ވިޔަފާރީގެ އެއްބަސްވުމެވެ. މި އެއްބަސްވުމަކީ ދިވެހިރާއްޖޭގެ އިޤްތިޞާދު ސިންދަފާތު ކުރުމާއި ދިވެހިރާއްޖެއިން އެކްސްޕޯރޓްކުރާ އުފެއްދުންތަކާއި ވިޔަފާރިތަކަށް ބޭރުގެ މާކެޓްތަކުން ޖާގަ ހޯއްދަވައިދެއްވުމަށް ރައީސް ޑރ. މުޙައްމަދު މުޢިއްޒު ގެންގުޅުއްވާ ތަޞުއްވަރުގެ ތެރެއިން ތަންފީޒު ކުރަން ފެށިފައިވާ އެއްބަސްވުމެކެވެ. އަދި މިއީ ތަރައްޤީގެ މަގުގައި އެއްޤައުމުން އަނެއްޤައުމަށް  އެހީތެރިކަން ފޯރުކޮށްދިނުމާއި ދެޤައުމުގެ ވިޔަފާރީގެ ގުޅުން އިތުރު ހަރުފަތަކަށް ގެންގޮސްދޭނެ އެއްބަސްވުމެކެވެ. އަދި މި އެއްބަސްވުމަކީ، ޗައިނާއާއި ދިވެހިރާއްޖެއަކީ ދެ ޤައުމުގެ ބޮޑުމިނާ އިޤްތިޞާދާއި އާބާދީގައި ބޮޑު ފަރަޤެއް ހުރި ނަމަވެސް، ދެޤައުމަށްވެސް ފައިދާވާނެ ގޮތަށް އެކުގައި މަސައްކަތް ކުރެވިދާނެކަން ދައްކައިދޭ ތާރިޚީ މުހިންމު އެއްބަސްވުމެކެވެ.