ދިވެހިރާއްޖޭގެ ޤައުމީ ޔުނިވަރސިޓީ (އެމްއެންޔޫ) އާއި އެމްއެންޔޫ ބިޒްނަސް ސްކޫލް ސްޓޫޑަންޓްސް އެސޯސިއޭޝަން (ބީއެސްއެސްއޭ) އިން އިންތިޒާމްކޮށްގެން ބާއްވާ އެންޓްރަޕްރިނިއަރސް ކޮންފްލޫއެންސް 2025 ގައި ޑެޕިއުޓީ މިނިސްޓަރު އޮފް އިކޮނޮމިކް ޑިވެލޮޕްމަންޓް އެންޑް ޓްރޭޑް، ޑރ. ޢާއިޝަތު ޝަހުދާ ޢަބްދުالله ބައިވެރިވެވަޑައިގެންފިއެވެ.
އެންޓްރަޕްރިނިއަރސް ކޮންފްލޫއެންސް 2025 ގައި ޑރ. ޝަހުދާ ވަނީ މޯލްޑިވްސް ކްރިއޭޓިވް އިކޮނޮމީއާ ބެހޭ ގޮތުން މުޚާޠަބު ކުރައްވައި، ދާއިރާގެ އިސް ފަރާތްތަކާއެކު ޕެނަލް ޑިސްކަޝަންގައި ބައިވެރިވެވަޑައިގެންފައެވެ.
މި ޕެނަލްގައި ވަނީ ދެމެހެއްޓެނިވި ކުރިއެރުމަކަށް ފަންނުވެރިކަމާއި، ސަގާފަތާއި، އީޖާދު ކުރިއެރުވުމާ ބެހޭ ގޮތުން މަޝްވަރާކޮށްފަ އެވެ.