މިނިސްޓްރީ އާއި ބިޒްނަސް ސެންޓަރ ކޯޕަރޭޝަން (ބީސީސީ) އާއި، އެސްއެމްއީ ޑިވެލޮޕްމަންޓް ފައިނޭންސް ކޯޕަރޭޝަން ކޯޕަރޭޝަން (އެސްޑީއެފްސީ) އަދި ޓްރޭޑްނެޓް ގުޅިގެން ކުރިއަށް ގެންދާ މަލްޓި އެޖެންސީ އިނީޝިއޭޓިވް “އެންގޭޖިން މައިންޑްސް: ބިލްޑިން އިކޮނޮމިކް ރެޒިލިއަންސް ޓުގެދަރ” މި ޝިއާރުގެ ދަށުން، ފާއިތުވި އަހަރެއްހާ ދުވަހު، އިޤްތިޞާދީ ކުރިއެރުމާއި، ވިލުންވެރިކަން، އަދި އިޤްތިޞާދު ސިންދަފާތު ކުރުމަށް މަގުފަހި ކުރުމަށް ކުރެވެމުންދާ ތަފާތު މަސައްކަތްތަކުގެ މައުލޫމާތު ހިއްސާ ކުރެވިފައިވެއެވެ.
އ.ދ މަހިބަދޫ ސްކޫލްގައި ކިޔަވަމުން ގެންދާ ބިޒްނަސް އެންޑް ސައިންސް ދާއިރާގެ ދަރިވަރުންނަށް އަމާޒުކޮށް، ކުރިއަށް ގެންދިޔަ ބިޒްނަސް އައިޑިއޭޝަން ސެޝަންގައި، ވިޔަފާރިއެއް ފެށުމަށްޓަކައި އަޅަންޖެހޭ މުހިންމު ފިޔަވަޅުތަކާއި، އިޤްތިޞާދީ ފުރުސަތުތައް ތަނަވަސް ކުރުމަށް މިނިސްޓްރީން ކުރަމުންދާ މަސައްކަތްތައް ހިއްސާކޮށްފައި ވެއެވެ. ކްރިއޭޓިވް އެކޮނޮމީއެއް ޤާއިމުކުރުމަށް ކުރަމުންގެންދާ މަސައްކަތްތަކާއި، އުފެއްދުންތެރި އިޤްތިޞާދާއި، ވިޔަފާރީގެ ދާއިރާގައި ހުރި ފުރުޞަތުތަކަށް މި ސެސަންގައި އަލިއަޅުވާލައި، އިޤްތިޞާދީ ކުރިއެރުމުގައި ޒުވާނުންގެ ދައުރު، އުފެއްދުންތެރިކަމާއި އިނޮވޭޝަން، އިޤްތިޞާދީ ތަރައްޤީގައި ޒުވާނުން އިސް ދައުރެއް އަދާކުރުމަށް ބާރުއެޅުމާއި ގުޅޭ ގޮތުން މައުލޫމާތު ހިއްސާކުރެވުނެވެ. މިފަދަ ސެޝަންތަށް ބޭއްވުމުގެ މަޤްޞަދަކީ، އިޤްތިޞާދީ ދާއިރާއިން، ދިވެހި ޒުވާނުން ހޭލުންތެރިކޮށް، ދެމެހެއްޓެނިވި ތަރައްޤީގައި ޒުވާނުން ޝާމިލުކުރެވޭ މިންވަރު އިތުރުކުރުމާއި، ޤައުމުގެ ތަރައްޤީގައި ޒުވާނުންނަށް ކުރެވިދާނެ ކަންކަމާ މެދު ބަހުޠްކޮށް ޚިޔާލުތައް ޙިއްޞާކޮށް، ބަދަލުކުރުމެވެ.