ޔޫއެންޑީޕީ އިން ދިވެހިރާއްޖެއަށް ކަނޑައަޅުއްވާފައިވާ އައު ރެޕްރެޒެންޓެޓިވް، އަދްނާން ޗީމާ، އިޤްތިޞާދީ ތަރައްޤީ އާއި ވިޔަފާރިއާ ބެހޭ ވަޒީރު، މުޙައްމަދު ސަޢީދު އާ ބައްދަލު ކުރައްވައިފި.
މި ބައްދަލުކުރެއްވުމުގައި މައިގަނޑު ގޮތެއްގައި މަޝްވަރާކުރެވުނީ، ދެ މުއައްސަސާ ދެމެދު ގުޅުން ބަދަހިކޮށް، ކުދި ވިޔަފާރިތަކާއި ރާއްޖޭގައި އީޖާދުކުރާ އުފެއްދުންތެރި ފަރާތްތަކަށް އެހީތެރިވެ، ބާރުވެރިކުރުވުމަށް އެކުގައި މަސައްކަތް ކުރެވިދާނެ ގޮތްތަކާއި، އިޤްތިޞާދީ ކުރިއެރުން އިތުރުކުރުމަށްޓަކައި، ދެމެހެއްޓެނިވި ތަރައްޤީގެ މަޝްރޫޢުތައް ކުރިއަށް ގެންދިއުމާ ގުޅޭ ގޮތުންނެވެ.