ސަރުކާރުގެ ސްޓްރެޓެޖިކް އެކްޝަން ޕްލޭންގެ ދަށުން “ސަސްޓެއިނަބަލް އެންޑް އިންޓެގްރޭޓެޑް ލޭބަރ ސަރވިސަސް (ސޭލްސް)” މަޝްރޫޢުގެ ތެރެއިން ދިވެހިންގެ މަސައްކަތްތެރިންނަށް އަންއެމްޕްލޯއިމަންޓް އިންޝުއަރެންސް ސްކީމާއި އެކްޓިވް ލޭބަރ މާކެޓް ސާވިސަސް ތަޢާރަފްކުރުމަށް ދިވެހިރާއްޖޭގެ ސަރުކާރާއި ވޯލްޑް ބޭންކާ ދެމެދު އެމްއޯޔޫއެއްގައި ސޮއިކޮށްފައިވެއެވެ.
މި މަޝްރޫޢުގެ ދަށުން “އަންއެމްޕްލޯއިމަންޓް އިންޝުއަރެންސް ބެނެފިޓް ސްކީމް” އަދި “އެމްޕްލޯއިމަންޓް ސާވިސަސް” ފޯރުކޮށްދެވޭނެއެވެ. އަދި މި މަޝްރޫޢުގެ ސަބަބުން އިކޮނޮމިކް ޑިވެލޮޕްމަންޓް މިނިސްޓްރީގެ ދަށުން ޖޮބް ސެންޓަރުން މިހާރު ދެމުންދާ ޚިދުމަތްތައް ފުޅާކޮށް، ޚިދުމަތްތައް ރަނގަޅުކޮށް، މުޅި ރާއްޖޭގައި ޖޮބް ސެންޓަރުތަކަށް ވަދެވޭނެ ގޮތް ފަހިވެގެންދާނެއެވެ.