މޯލްޑިވްސް އިކޮނޮމިކް ގޭޓްވޭ ޕްރޮޖެކްޓްގެ ދަށުން އިފްތިތާޙް ކުރެވުނު ބަންކަރިންގގެ ޚިދުމަތަކީ ދިވެހިރާއްޖޭގެ އިޤްތިޞާދަށް ބޮޑެތި ކުރިއެރުންތަކެއް ގެނެސްދޭނެ ހަރަކާތެއް ކަމުގައި މިނިސްޓަރ މުޙައްމަދު ސަޢީދު ވިދާޅުވެއްޖެއެވެ.
މިނިސްޓަރ މިހެން ވިދާޅުވީ ބަންކަރިންގ ޚިދުމަތް ފެށުމަށް 19 ސެޕްޓެމްބަރ 2024 ވީ ބުރާސްފަތި ދުވަހު ބޭއްވި ހަފްލާގައި ވާހަކަފުޅު ދައްކަވަމުންނެވެ. އަދި އިހަވަންދިއްޕޮޅާއި އިންވެގެން އުތުރުން އޮންނަ 8 ޑިގްރީ ޗެނަލް އިން ކޮންމެ ދުވަހަކުވެސް އެތައް ސަތޭކަ އުޅަނދުތަކެއް ދަތުރުކުރާއިރު، ރައީސް ޑރ. މުޙައްމަދު މުޢިއްޒު ގެ އިރުޝާދާއިއެކު މިސަރުކާރުން މަސައްކަތްކުރާނީ ދިވެހިރާއްޖެއަށް މިކަމުން އުފެދޭ ފުރުޞަތުތައް އެންމެފުރިހަމައަށް ބޭނުންކުރުމަށް ކަމަށް ވެސް މިނިސްޓަރ ވިދާޅުވިއެވެ